Naputulan ng kanang binti ang isang lalaking tumatawid sa highway sa Mandaue City, Cebu matapos siyang mahagip ng motorsiklo.
Sa ulat ng GTV State of the Nation nitong Biyernes, lumabas sa imbestigasyon ng pulisya na patawid ang biktima nang mahagip siya ng humaharurot na big bike.
Inaalam pa ng mga awtoridad kung may CCTV footage na nakahuli-cam sa insidente.
Pero bago mangyari ang trahediya, nakita sa ibang CCTV camera ang big bike na nag-overtake sa isang sasakyan at lumipat ng linya.
Nagpapagaling sa ospital ang biktima at nakikipag-ugnayan na umano sa kaniya ang rider. —FRJ, GMA Integrated News
Be the first to comment