Labing-isang pasahero ng apat na sasakyan ang nahulog matapos maputol ang isang tulay sa may Tocantins River sa Brazil. Isa sa kanila, nasawi.
Sa isang video, na mapanonood din sa Balitanghali nitong Martes, isang motorsiklo ang huminto bago pa lumaki ang bitak sa daraanan nilang tulay.
Umatras na ang kumukuha ng video at iba pang tao sa lugar.
Sa isa namang kuha ng drone video, makikitang tuluyan nang gumuho ang bahagi ng tulay.
Sinabi ng fire department doon na dalawang truck, isang kotse at isang motorsiklo na may 11 sakay ang nahulog sa ilog.
Isa ang kumpirmadong patay samantalang isa ang nasagip.
Naging mahirap ang rescue operations matapos tumagas sa ilog ang sulfuric acid na karga ng isa sa mga nahulog na truck. — Jamil Santos/VBL, GMA Integrated News
Be the first to comment