Kalunos-lunos ang sinapit ng isang senior citizen na lalaki matapos siyang mabangga at magulugan ng truck habang tumatawid sa pedestrian lane sa Cagayan de Oro City.
Sa ulat ng GMA Regional TV nitong Miyerkoles, makikita sa CCTV footage ang biktima na halos na nasa kabilang panig na ng kalsada ang biktima nang mahagip siya ng truck.
Matapos mabunggo, umusad pa ang sasakyan ng ilang metro kaya nagulungan din ang biktima.
Hindi na umabot nang buhay sa ospital ang biktima.
Ipinaliwanag umano ng driver ng truck sa mga pulis na hindi niya napansin ang biktima dahil napatingin siya sa gilid nang may madinig siyang busina.
Desidido ang pamilya ng biktima na sampahan ng reklamo ang driver ng truck.–FRJ, GMA Integrated News
Be the first to comment