Isang mananaya ang masuwerteng nanalo ng mahigit P129-milyong jackpot sa Superlotto 6/49 draw nitong Huwebes, Nobyembre 14, 2024.
Sa website ng Philippine Charity Sweepstakes Office (PCSO), nakasaad na ang lumabas na mga numero ay 21-29-25-14-27-26, at may kabuuang premyo na P129,075,826.40.
Samantala, dalawang mananaya naman ang nanalo sa kasabay nitong draw na Lotto 6/42 na maghahati sa jackpot prize na P12,825,306.00.
Ang lumabas na winning combination sa naturang draw ay 05-07-37-19-12-10.
Nitong Miyerkules, isang mananaya rin ang mapalad na nanalo ng mahigit P118 milyong jackpot para sa Grand Lotto 6/55, na ang lumabas na mga numero ay 27-01-16-11-50-03.
Samantalang noong Nobyembre 11, dalawang mananaya naman ang naghati sa mahigit P118 milyon din na premyo sa Megalotto 6/45 draw matapos nilang mahulaan ang lumabas na mga numero na 25-37-08-45-24-18.
Isa pa ring mananaya ang biglang naging multi-milyonaryo nang tamaan niya ang mahigit P107 milyong jackpot sa Lotto 6/42 draw noong Nobyembre 5 nang mahulaan niya ang lumabas na mga numero na 22-24-10-34-02-35.
Nananatili namang mailap ang Ultra Lotto 6/58 na umaabot na ang jackpot prize sa mahigit P115 milyon. — FRJ, GMA Integrated News
Be the first to comment