Isang aso sa Bacolod City ang nabiktima ng pamamana, ayon sa ulat ng Unang Balita mula sa GMA Regional Tv nitong Martes.
Natamaan ng pana ang aso sa likurang bahagi nito.
Dinala ang aso sa veterinary clinic at isinailalim sa operasyon.
Sa kabutihang palad, walang vital organ na tinamaan sa aso.
Base sa imbestigasyon ng isang animal rescue group, naligaw sa kabilang kalye ang aso at napana ng isang bata roon.
Nakikipag-ugnayan na ang animal rescue group at may-ari ng aso sa mga opisyal ng barangay at pulisya para ipatawag ang batang nakasakit sa aso pati ang kaniyang magulang. —KBK, GMA Integrated News
Be the first to comment