Isang lalaki ang nabisto ang kaniyang misis na may kasamang ibang lalaki sa isang lodging house sa Passi City, Iloilo.
“Caught in the act natin sila committing the crime during that time na pumasok kami ng kaniyang husband. According sa husband, that time niya lang nakilala or nakita,” sabi ni Police Lieutenant Colonel Benjo Clariete, hepe ng Passi City Police.
Sa ulat ni Lou-Anne Mae Rondina ng GMA Regional TV sa Balitanghali nitong Martes, sinabing isinalaysay ng lalaki na nagpaalam ang kaniyang misis na lalabas kasama ang manager nito sa trabaho.
Nakadetene na ang ginang at ang nahuling lalaki sa Passi City Police Station at nasampahan ng reklamong adultery.
Hindi nagbigay ng pahayag ang dalawa. — Jamil Santos/VBL, GMA Integrated News
Be the first to comment